Әлеуметтік медициналық сақтандыру қорында мәлім еткендей, Қостанай облыстық балалар ауруханасымен 2024 жылға 2,4 млрд теңге көлемінде келісімшарт жасалды, оның ішінде ТМККК – 492 млн теңге, МӘМС – 1,9 млрд теңге. Жыл басында Қормен келісімшарттың жылдық сомасының 36,8% мөлшерінде аванс төленді (884 млн теңгеден астам). Осы күнге дейін көрсетілген қызметтер үшін төлем 29 тамыздағы жағдай бойынша қаңтардан мамырға дейінгі кезеңге жүргізілді – 989 млн теңге. Бұрын берілген авансты ескере отырып, аурухана 1,35 млрд теңге немесе жылдық көлемнің 56% қаржыландыру алды.

Сонымен бірге, балалар ауруханасы ұзақ уақыт бойы кредиторлық қарызды өтей алмай келді. 1 қаңтардағы жағдай бойынша қарыз 512 млн теңгені құрап, аурухана оны ағымдағы жылдың қаражаты есебінен өтеді. 20 тамыздағы жағдай бойынша қарыз деңгейі 601,75 млн теңге.
Жалпы алғанда, Қостанай облысы бойынша 64 жеткізушімен 93,8 млрд теңге сомасына медициналық қызмет көрсету бойынша келісімшарт жасалды, оның ішінде ТМККК аясында – 56,7 млрд теңге, МӘМС жүйесінде – 37 млрд теңге.

Қаңтардан мамырға дейін көрсетілген медициналық қызметтер бойынша кезеңдер жабылды (61 медициналық ұйым бойынша), маусым айына төлемдер басталды (6 жеткізуші бойынша төлем құжаттарына қол қойылды).

29 тамызда Қаржы министрлігінен қаражат бөлініп, сәйкесінше төлем сол күні жүргізілгенін қосымша хабарлаймыз.

Бұған дейін мәлімделгендей, 2024 жылдың қаңтар айынан бастап Қордың негізгі міндеттерін уақтылы орындауы үшін кідіріссіз жұмыстың тоқтау қаупі туындады. Қор төлем құралдарынсыз қалып, 2024 жылдың басынан бастап Қордың штаттық IT мамандары «Saqtandyry» ақпараттық жүйесінде төлем функционалын әзірлеуге кірісті. Осы функционал сындарлы қысқа мерзімде іске қосылып, төлем модулі 17 мамырдан бастап іске қосылды. Бүгінде денсаулық сақтау субъектілеріне ағымдағы жылдың мамыр айы үшін көрсетілген медициналық көмек үшін төлемдер жүргізілуде.

Сонымен қатар, биылғы жылдың наурыз айында ақпараттық жүйелерді жетілдіруге байланысты ҚР Денсаулық сақтау министрлігі мен Қор басшылығы аванс мөлшерін стандартты 30%-дан 70%-ға дейін ұлғайту бойынша бұрын-соңды болмаған шаралар қабылдады, ал жаңа медициналық қызметті жеткізушілер үшін 30%-ға дейін көтерілді.